Այստեղ խմբեր էին ստեղծում ու քննադատում նախագահին |
Մարտի 3-ին Տաջիկստանի ինտերնետ-պրովայդերները
արգելափակեցին չորս կայք` Facebook.com-ը, Zvezda.ru-ն, Tjnews.com-ը և Maxala.org-ը: Իսկ մինչ այդ Տաջիկիստանում արդեն անհասանելի
էին Fergna.ru և Centrasia.ru կայքերը: Այդ մասին հաղորդում է «Ասիա-պլյուս» լրատվամիջոցը:
Նման կարգադրում կատարեց Տաջիկստանի հանրապետությանն առընթեր կապի Ծառայությունը, որը
մարտի 2-ին նամակ ուղղարկեց երկրում գործող պրովայդերներին:
Zvezda.ru կայքը, ամենայն
հավանականությամբ, արգելափակել են այնտեղ տեղադրված «Տաջիկստանը հեղափոխության նախօրեին է» հոդվածի համար: Իսկ
թե ինչու է փակվել «Facebook» սոցիալական ցանցը, փորձեցինք պարզել Երևանի Կովկասի ինստիտուտում
սովորող տաջիկ ուսանողուհիներից: Պետք է նշել, որ աղջիկները սկզբում մի քիչ վախվորած
էին պատասխանում մեր հարցերին:
Ֆարանգիս Նաբիևան գտնում է,
որ Facebook-ը արգելափակել են, որովհետև այնտեղ տարբեր խմբեր են ստեղծում ու սկսում քննադատել 1994 թվակնից Տաջիկստանը նախագահող
Էմոմալի Ռահմոնին. «Իհարկե, բացեիբաց գրեթե ոչ ոք չի քնաադատում: Քննադատողներն էլ
հիմնականում արտերկրում սովորող տաջիկստանցի ուսանողներ են»:
Գուլջահոն Համրոզոդան էլ բացատրեց, որ Տաջիկստանի ժողովուրդը իրոք ինչ-որ
մի բանի սպասումով է լցված. «Դժվար թե այս քանի օրը Տաջիկստանում հեղափոխություն լինի,
սակայն ժողովուրդը ինչ-որ մի բանի է սպասում: Երևի հայտնի սոցիալական ցանցը արգելափակել
են նրա համար, որ վերջերս այնտեղ ոմանք հեղափոխական կոչեր են սկսել անել: Այսօր Տաջիկստանում
իրենից իրական հեղափոխություն է ներկայացնում
Տաջիկստանի իսլամական վերածննդի կուսակցությունը: Ես չեմ ուզում, որ նրանք իշխանության
գլուխ անցնեն, քանի որ իսլամիստական կուսակցություն է, իսկ իսլամական երկրում ազատությունները
ավելի սահմանափակ կլինեն, քան հիմա»:
Հայկ Ղազարյան
Комментариев нет:
Отправить комментарий