Հավերժի կուսակցությունը

Ժամը 15.00-ին պայմանավորվել էի հարցազրույց անել երիտասարդ դաշնակցական Հովհաննես Գաբրիելյանի հետ:

Հովհաննես Գաբրիելյանը մեծ ու խելացի գլուխ ուներ, որը ճմրթվում էր  ակնոցների աղեղնակներից:

-Բարեւ Ձեզ, պարոն Գաբրիելյան, - ձեռքս մեկնեցի: Ձեռքս ցավեցրեց  (քիչ էր մնում տնքայի) ու «մա՛հ թուրքերին»  պոռաց:

Դոշ տվողը

Գոշան շատ ամուր ձգեց փողկապը ու շփեց այտը: Լավ եմ թրաշվել:

Այսօր երիտասարդ պատգամավորների նիստն է: Հարկավոր էր կարգին պատրաստվել:

Նիստին ներկա էր իսկական ազգային ժողովի նախագահը՝  Անդրանիկ Պետիկյանը: Պետիկյանի տրամադրությունը բարձր էր, ասում էր «դուք մեր ապագան եք, ջահելները, վու՜խխ...»:  Պարոն Պետիկյանը բարձրացավ ամբիոն:

-Ողջունում եմ նորաստեղծ Երիտասարդական խորհրդարանի անդամներին: Կարևորում եմ երիտասարդության իրական ներուժի ու նախաձեռնողական հնարավորությունների իրացման համար երկխոսության ապահովումը: Երիտասարդական խորհրդարանը կարող է երիտասարդների համար դառնալ ինքնադրսևորման, սեփական հնարավորություններն իրացնելու ասպարեզ:  Չի բացառվում, որ ձեզանից շատերին ամենամոտ ապագայում տեսնենք մեծ քաղաքականության ամենաառաջին շարքերում, պետական ամենաբարձր օղակներում: Մեր հանրապետության նախագահի կողմից Երիտասարդական խորհրդարանի անդամներին շնորհավորական ուղերձ եմ հղում ու մաղթում  արդյունավետ գործունեություն:

Ֆանտոմ

Լուսանկարը՝ Մարութ Վանյանի

Հոսպիտալի ամայի բակում դիտելու բան չկար, բայց ներքին հողմաշենցի Եղիշը շարունակում էր պատուհանին կպած` մահճակալից ուսումնասիրել դուրսը: Երրորդ շաբաթում ընկերների գալ-գնալը սպառվել էր և ահա մենակ էր մնացել ինքն իր հետ: Խորհելու առանձնակի բան էլ չկար. ամեն ինչ որոշված էր, ամեն ինչ ավարտված էր: Թվում էր Եղիշին:

Ղարաբաղյան դատավարություն

Գրեթերթ 

Արցախում թատրոն չկա, կինո, ակումբ, ստրիպտիզ, փաբ, հազար ու մի բան… Արցախում զվարճանալու վայր չկա: Սխալվում եք:

Թունդ ընդդիմադիր, նախկին դասախոս Կարեն Գիլունցի դատավարությունն էր: Չգիտեմ ինչ էր ու ոնց էր, բայց իբր Կարեն Գիլունցը հունիսին կնոջ հետ մտել էր համալսարան, ռեկտորը թե պրոռեկտորը ասել է՝ չի կարելի մտնել, ռեմոնտ է գնում: Գիլունցը էստեղ ջղայնացել է, ռեկտորի ու պրոռեկտորի մերերին է քրֆել, մոտ վազած համալսարանական բանվորներին անվանել է ռեկտորի չմոներ: Գիլունցը: Սրանով չի բավարարվել: Բանվորներից ամենատարեցին՝ Գագո ձյաձյային, բասկետբոլի գնդակի պես նետել է գազոններն ու քացու տակ գցել: Գիլունցի նկատմամբ քրեական գործ է հարուցվել: 

«Դեմ եմ Ստեփանակերտի հասարակական տրանսպորտի թանկացմանը» - 2

Սեպտեմբերի 29-ը:

«Դեմ եմ հասարակական տրանսպորտի թանկացմանը» ցույց տեղի ունեցավ ԼՂՀ Կառավարության շենքի դիմաց: Առաջին ցույցը քաղաքապետարանի դիմաց էր  (սեպտեմբերի 24-ին): Այն ժամանակ  քաղաքապետը  չեր ուզում հարցը քննարկել նախաձեռնության անդամների հետ լրագրողների նեկայությամբ (ինչի պատճառով քննարկումը ձախողվեց): Այսօր քննարկումը լուսաբանվում էր, վարչապետը ընդունեց երիտասարդներին: Թե ոնց էր և ինչպես, ձեզ կպատմեն Karabakh-open.info, Artsakhpress.am, Civilnet.am և Kavkaz-uzel.ru  լրատվական կայքերը: 

Ի տարբերություն անցած ցույցի, այսօր պահանջում էին շարունակել Ստեփանակերտի տրանսպորտի սուբիդավորումը:  

Հանդիպումից հետո տեղի ունեցավ երթ՝  Կառավարության շենքից մինչև երրորդ դպրոցի խաչմերուկ. անձրևը ավելին գնալ խանգարեց: 

Խնդրանք. եթե հանկարծ լուսանկար վերցնենք, ապա մի ձև հղում արեք էլի (օրինակ, լուսանկար/ները Հայկ Ղազարյանի բլոգից են)

Ընդդեմ ուղեվարձի թանկացման. Ստեփանակերտ

Սեպտեմբերի 24-ին Ստեփանակերտի քաղքապետարանի դիմաց տեղի ունեցավ ակցիա ընդդեմ երթուղայինի ուղեվարձի թանկացման: Հոկտեմբերի 1-ից 70 դրամի փոխարեն ուղեվարձը կդառնա  100: Այտեղ կարող եք կարդալ  ուղևորավարձի թանկացման վերաբերյալ ուսումնասիրությունը: 


Սկզբում քաղաքապետարանի ներկայացուցիչը ցուցարարների առանձին խմբերի հրավիրեց դահլիճ. "Տեղը փոքր է, կխնդրեի փոքր խմբերով մտնել՝ քսան-քսան": Ցուցարարները չընդունեցին առաջարկը: Նրանց պահանջով քաղաքապետը դուրս եկավ ընդառաջ ցուցարաների:

"Առաջ բենզինը 180 դրամ էր, իսկ ուղեվարձը՝  50, իսկ հիմա 520-540 դրամ է դառել"- ասաց քաղքապետը՝  հիմնավորելով թանկացման պատճառներից մեկը:

Հ.Գ. Կարծում եմ, ակցիան կարելի է պատմական համարել, անկախախումից հետո առաջին անգամ է նման հավաքույթ տեղի ունենում:

Հավաքվածները որոշեցին ուղեվարձի թանկացման վերաբերյալ առաջիկայում բողոքը արտահայտել տարբեր ձևերով ( նաև նման երևանյան "Չեմ վճարելու 150 դրամ"-ի. երևանյան ակցիան ինչ-որ տեղ խթան էր ակցիայի համար):

Ֆեյսբուքիստի անուրջները

«Էվոռեվուլյուցիա»  ռոք-խմբի փաբային համերգից հետո մոտ երկու ժամ ֆռֆռում եմ ֆեյսբուքից մինչև lragir.am ու մռափում: